Presidenti i Serbisë, Aleksander Vuçiq, është takuar sot me emisarin sllovak, Miroslav Lajcak, në Pragë në margjina të Forumit Globsec, transmeton Kosova Post.
Vuçiq ka diskutuar rreth ngjarjeve të fundit në veri të Republikës së Kosovës duke thënë se “të drejtat e serbëve po shkelen sërish dhe se siguria e serbëve është kërcënuar”,
“Një bisedë e hapur dhe e sinqertë me Miroslav Lajçak të cilit i përcolla shqetësimin tim të skajshëm për dhunën e fundit në Kosovë , shkeljen e përsëritur të të drejtave dhe rrezikimin e sigurisë së popullatës serbe nga lëvizjet arrogante dhe ilegale të Prishtinës”, shprehet Vuçiq.
“Kërkova një reagim konkret dhe të qartë nga BE-ja dhe vendet anëtare – jo vetëm në dënimin e lëvizjeve të tilla, por edhe në parandalimin e tyre dhe mbrojtjen e serbëve. Serbia mbetet një partner i përgjegjshëm i BE-së në procesin e normalizimit të marrëdhënieve me Prishtinën, por do të përdorë të gjitha mjetet diplomatike në dispozicion për të parandaluar terrorin kundër popullit të saj”, theksoi Vuçiq./Kosova Post/
