Zëdhënsi i Qeverisë së Republikës së Kosovës, Përparim Kryeziu, ka reaguar duke denoncuar pronarin e gazetës propagandistike, Lukas Pres, njofton Kosova Post.
Përmes një reagimi në rrjetet sociale, Kryeziu e ka kritikuar opozitën kosovare, që sipas tij, po shërbehet me propagandë të nje ekstemisti të djathtë.
“Luka Pers, njëri ndër themeluesit e portalit Prava, është një pseudogazetar që ka punuar deri vonë për Nova24TV, organizatë lajmesh e ekstremit të djathtë. Portali është aq i parëndësishëm sa që mezi e gjen online. Shpërndarja e këtij “lajmi” nga një portal aq i dyshimtë në disa prej portaleve tona, pa ndonjë verifikim të historikut të Prava dhe profilit të Luka Pers, është në rastin më të mirë jo profesionale dhe jo etike. Sidomos kur dihet se në vitin 2021, llogaria e Luka Pers në Tëitter është suspenduar pikërisht për shkak të shpërndarjes së lajmeve të rreme. E trajtimi nga partitë opozitare i një “lajmi” të tillë si temë nacionale, është më së paku shtepërsi opozitare.” – ka thënë ai.
Tutje, Kryeziu ka shkruar se gazetarit në fjalë i është suspenduar llogaria në Twitter,“për shkak të shpërndarjes së lajmeve të rreme”.
“Dhe për fund, pretendimet e një portali të themeluar nga një pseudogazetar që ka punuar në një organizatë lajmesh të ekstremit të djathtë, llogaria në Tëitter i të cilët është suspenduar për shkak të shpërndarjes së lajmeve të rreme, patjetër se janë të pavërteta.” – ka thënë ai.
Çka raportoi medium slloven?
Gazeta sllovene “Prava” ka botuar një artikull të gjatë, ku hulumtohen lidhjet e ambasadorit të Kosovës në Kroaci, Martin Berishajt me kompaninë sllovene GEN-I. Sipas gazetën “Prava“, dyshohet se ambasadori Berisha është paguar nga GEN-i, teksa raportohet edhe për kompaninë e Berishajt që mban emrin “MB Consulting”. Madje, aty theksohet se ambasadori kosovar ka tërhequr 600 mijë euro para të thata (cash) në vitet 2019 dhe 2020.
Në shkrim përmendet edhe Albin Kurti, kryeministri i Kosovës, mbi të cilin hidhen dyshime se është financuar nga paratë e filialit të GEN-It në Tiranë, ku janë transferuar 14 milionë euro. Tutje, Prava shkruan se dyshohet që paratë e GEN-It në Tiranë janë përdorur për të financuar fushatën e Kurtit.
Në hulumtimit e titulluar “Si e paguan Martin Berishajn nga kompania sllovene GEN-I! Ku përfunduan gati 100 milionë euro“, theksohet se ambasadori i Kosovës ka përfituar qindra mijëra euro në mënyrë të dyshimtë. Në fakt, gazeta shkruan se nëpërmjet operacioneve akrobatike të kontabilitetit, kompania sllovene GEN-I me filialet e saja në Beograd, Sarajevë e Tiranë kanë mbuluar gjurmet e gati 100 milionë eurove.
Nga këto 100 milionë euro, për të cilat raporton Prava, 60 milionë janë transferuar në Bosnje dhe Hercegovinë, ndërsa miliona të tjera në filialin e GEN-It në Beograd e Tiranë.
“Kujtojmë që Berisha ka bërë disa tërheqje të parave cash në vitin 2019 dhe 2020 në shumën totale prej më shumë se 600 mijë euro, aq sa ka fituar Berishaj në kompaninë e tij MB Consulting gjatë këtyre dy viteve.” – shkruan Prava, transmeton Nacionale.
Ndërsa gazeta Prava e përmend edhe kryeministrin e Kosovës Albin Kurti, kur shkruan rreth filialit të GEN-It në Tiranë, tek e cila raportohet të jenë transferuar 14 milionë euro nga kompania amë në Slloveni. Madje, dyshohet se nga këto 14 milionë euro të jetë financuar edhe Kurti.
“PJESA 2 GEN-I TIRANë: Si u sigurua më 2021 GEN-I që 14 milionë të zhdukeshin në rrugë ligjore për të mbuluar vrimën financiare të GEN-I Tiranë!!! Ka shumë dyshime se me këto para janë financuar edhe kryeministri i Kosovës Albin Kurti dhe aktivisti slloven Nika Kovaç!” – shkruan Prava.
“Ka pasur disa sugjerime dhe informacione se paratë janë transferuar nga njëra nga filialet e GEN-I jashtë vendit për fushatën zgjedhore të kryeministrit aktual të Kosovës, Albin Kurti, dhe se një pjesë e parave i ka shkuar një organizatë jo qeveritare”, thuhet tutje në artikullin e Prava-s.
