Sot, Zëvendësuesi i Drejtorit të Përgjithshëm të SHKK-së, z. Sami Gashi, priti në takim Këshilltarin e Lartë të Byrosë së Kundërterrorizmit për Ballkanin Perëndimor, z. Randy Wilson, Këshilltarin e Lartë të ICITAP-it, z. Bill Sage dhe Këshilltarin e Lartë të ICITAP për NJIK, z. Allen Beard me të cilët diskutuan lidhur me vazhdimin e bashkëpunimit mes SHKK-së dhe ICITAP-it, transmeton Kosova Post.
Kjo është bërë e ditur nga vet institucioni i SHKK-së, përmes një komunikate në faqën e saj në rrjetin social Facebook, ku ndër të tjera thuhet se, zotri Gashi ka falënderuar mysafirët për mbështetjën që po i japin i shërbimit Korrektues të Kosovës.
Komunikata e plotë
Zëvendësuesi i Drejtorit të Përgjithshëm të SHKK-së, z. Gashi, i falënderoi të pranishmit për mbështetjen e vazhdueshme që Qeveria Amerikane i ka dhënë dhe po vazhdon ti jap Shërbimit Korrektues të Kosovës përmes ICITAP.
Gjatë takimit, përfaqësuesit e ICITAP rikonfirmuan se do të vazhdojnë ta mbështesin fuqishëm zhvillimin e SHKK-së në të gjitha fushat, sidomos në ngritjen e kapaciteteve profesionale të stafit, e veçanërisht stafit të Njësisë së Inteligjencës së SHKK-së.
ICITAP përmes donacioneve dhe trajnimeve të ndryshme ka mbështetur dhe po vazhdon ta mbështes zhvillimin e SHKK-së në të gjitha fushat, duke aspiruar në ndërtimin e një sistemi i cili është i vetqëndrueshëm, i sigurt dhe i pavarur.
