Sot mbushen dhjetë vjet që nga nënshkrimi i marrëveshjes për drejtësi në mes Kosovës dhe Serbisë.
Takimi ndërmjet kryeministrit asokohe të Kosovës Isa Mustafa dhe atij të Serbisë Aleksandër Vuçiq kishte përfunduar me nënshkrimin e marrëveshjes për drejtësi. Kjo, sipas ndërmjetësueses Federica Mogherini, ishte arritur rreth orës 02:00, pas mesnate.
“Rezultat i mrekullueshëm në rifillimin e dialogut Beograd – Prishtinë! Faleminderit të dyja palëve”, kishte shkruar Mogherini në ish-rrjetin social Twitter – X.
Pas takimit, Mustafa kishte thënë se marrëveshja mundëson funksionimin e sistemit unik të drejtësisë në Kosovë.
I pyetur nëse janë diskutuar tema të tjera në dialog, Mustafa kishte thënë se nuk do të hapen tema të reja pa u shuar institucionet paralele në veri me theks të veçantë ‘mbrojtja civile.’
Ndërsa, Vuçiq kishte thënë se me arritjen e marrëveshjes fiton Serbia dhe serbët e veriut, të cilët nuk do të mund të mbipërfaqësohen pasi Gjykata e Mitrovicës do të ketë 9 prokurorë shqiptarë dhe 9 serbë.Përfaqësuesja e BE-së, në anën tjetër, kishte bërë me dije se dy kryeministrat madje do të punonin bashkë edhe rreth çështjes së migrimit ilegal të kosovarëve.kp
