Republikani Mike Johnson u rizgjodh kryetar i Dhomës së Përfaqësuesve të premten, duke fituar ngushtë në një përballje me krahun e djathtë të partisë së tij pas një asistimi të minutës së fundit nga Presidenti i zgjedhur Donald Trump.
Duke folur pas fitores, Johnson u zotua të zbatojë axhendën e Trump “American First”.
“Populli amerikan na ka bërë thirrje që të ‘hedhim poshtë’ status quo-në. Ne duhet dhe do t’i vëmë veshin thirrjes së tyre”, tha ai.
Johnson hyri në Kapitolin e SHBA të premten në mëngjes duke u përballur me më shumë se një duzinë anëtarësh të pavendosur republikanë.
Momente përpara fillimit të votimit me emër, Johnson deklaroi angazhime të reja për shpenzimet dhe përgjegjësinë fiskale, të cilat me sa duket synonin të kënaqnin disa prej kolegëve të tij skeptikë.
Lëvizja dukej se ishte një shenjë e mirë për Johnson pasi votimi filloi dhe disa republikanë të pavendosur më parë hodhën votën e tyre pro tij. Por telashet filluan kur disa anëtarë të grupit parlamentar për Lirinë e Dhomës së Përfaqësuesve refuzuan të votonin, duke mos u përgjigjur kur iu thirr emri.
Më pas erdhën tre dezertime republikane, duke i hequr në fakt rrugën e ngushtë Johnson-it drejt fitores.
Së pari, deputeti Thomas Massie i Kentakit votoi për Whip Tom Emmer të shumicës në Dhomën e Përfaqësuesve. Më pas, deputeti Ralph Norman i Karolinës së Jugut votoi për Kryetarin e Komitetit Gjyqësor të Dhomës së Përfaqësuesve, Jim Jordan dhe Rep. Keith Self i Teksasit votuan për përfaqësuesin e Floridës, Byron Donalds.
Votimi mbeti i hapur për afërsisht dy orë të mbushura me tension.
Johnson u pa duke u takuar me anëtarë të ndryshëm të udhëheqjes gjatë asaj kohe. Më pas ai doli nga dhoma, duke u kthyer për të kërkuar Norman dhe Self.
Johnson, Norman dhe Self u takuan ndërsa iu bashkuan edhe disa republikanë të tjerë, duke përfshirë përfaqësuesit Andy Harris, Andrew Clyde, Andy Ogles, Andy Biggs dhe Virginia Foxx.
Presidenti i sapozgjedhur Trump u fut në “lojë”, duke punuar me telefonat dhe duke folur me Norman dhe Self gjatë asaj takimi. Ky i fundit i quajti më pas telefonatat me Trup “ një diskutim i gjatë” kur u pyet nëse presidenti i zgjedhur ishte i zemëruar.
Johnson tha gjithashtu se Trump ishte një “faktor i madh” në rezultatin e së premtes, duke thënë se ai ishte në telefon me presidentin e zgjedhur ndërsa votat po numëroheshin dhe ai ishte “i përulur” nga mbështetja e tij.
Johnson siguroi kështu 218 votat që i duheshin për t’u zgjehdur.
“Treguesit pajtohen në llogaritjet e tyre që numri i përgjithshëm i votave të hedhura është 434, nga të cilat i nderuari Mike Johnson i shtetit të Luizianës ka marrë 218,” tha nëpunësi i Dhomës së Përfaqësuesve Kevin McCumber ndërsa shpalli votimin.
Republikanët në dhomë shpërthyen në një ovacion të fortë.
Johnson filloi fjalimin e tij me një moment heshtjeje për viktimat e sulmit në Neë Orleans në Ditën e Vitit të Ri përpara se të falënderonte anëtarët dhe të parashtronte vizionin e tij për një Dhomë dhe Senat të kontrolluar nga republikanët nën administratën e ardhshme të Trump, shkruan balkanweb.al.“Unë jam mirënjohës për këto zgjedhje, për besimin që kjo dhomë ka dhënë tek unë. Është nder i madh i jetës sime t’i shërbej këtij organi me të gjithë ju,” tha Johnson teksa iu drejtua sallës.
