Presidentja e Kosovës Vjosa Osmani ka shprehur ngushëllime për viktimat e tragjedisë që ndodhi në Washington, ku një avion dhe një helikopter u përplasën në ajër.
Ndërsa ka shprehur ngushëllime, Presidnetja Osmani theksoi se Kosova qëndron pranë popullit amerikan në shenjë solidariteti gjatë kësaj kohe tragjike.
“E pikëlluar thellësisht nga rrëzimi tragjik ajror pranë Washingtonit, D.C. Zemra ime është me familjet dhe të dashurit e atyre që humbën jetën në këtë tragjedi të paimagjinueshme. Kosova qëndron pranë jush në pikëllim dhe solidaritet gjatë kësaj kohe zemërthyese”, ka shkruar Osmani në platformën X.
