Një robot izraelit i inteligjencës artificiale kritikoi profilet e rrjeteve sociale që supozohej të promovonte, madje duke shkuar aq larg sa fajësonte Izraelin për planin e ShBA-së për të ndaluar TikTok.
Një profil i automatizuar i rrjeteve sociale, i zhvilluar për ta përdorur fuqinë e inteligjencës artificiale për ta promovuar propagandën izraelite në internet, përhapi informacione në kundërshtim me qëllimin e tij fillestar, duke përfshirë mesazhe antiizraelite.
Ndër të tjerash, boti pro-izraelit fajësoi Izraelin për planet e ShBA-së për ta ndaluar TikTokun, pretendoi në mënyrë të rreme se pengjet izraelitë nuk ishin liruar pavarësisht nga provat e qarta për të kundërtën, dhe madje u kërkoi ndjekësve të “shprehin solidaritet” me popullin e Gazës, duke drejtuar ata në një organizatë humanitare që mbledh para për palestinezët.
Në disa raste, roboti kritikoi profilet proizraelite – duke përfshirë një llogari zyrtare të qeverisë në X – pikërisht ato që supozohej të mbështeste, raporton Hareetz./KosovaPost/
