Kryeministri i Kosovës, Albin Kurti, është takuar me presidentin e Turqisë, Recep Tayyip Erdoğan, në margjinat e Asamblesë së Përgjithshme të Kombeve të Bashkuara në Nju Jork, përcjell Kosova Post.
Takimi u zhvillua në Shtëpinë Turke, ku Erdoğan po zhvillon takime dypalëshe gjatë qëndrimit të tij në Nju Jork, në kuadër të pjesëmarrjes në Asamblenë e 81-të të Përgjithshme të OKB-së.
Sipas njoftimit për takimin, në fokus të bisedës ishin marrëdhëniet dypalëshe ndërmjet Kosovës dhe Turqisë, si dhe çështje me interes të përbashkët dhe zhvillimet rajonale.
Takimi mes Kurtit dhe Erdoğan-it vjen në kuadër të kontakteve të nivelit të lartë mes Kosovës dhe Turqisë dhe angazhimeve diplomatike që po zhvillohen gjatë punimeve të Asamblesë së Përgjithshme të OKB-së.
Erdoğan po vazhdon agjendën e tij të takimeve në Nju Jork, ndërsa Kurti ndodhet në SHBA për aktivitetet dhe takimet e tij në kuadër të sesionit të 81-të të Asamblesë së Përgjithshme të Kombeve të Bashkuara./Kosova Post/
