Në kuadër të festimeve të 23 Prillit, Ditës së Sovranitetit Kombëtar dhe Fëmijëve, Ambasadori Yağmur Ahmet Güldere, Drejtor i Përgjithshëm për Ballkanin dhe Evropën Qendrore në Ministrinë e Punëve të Jashtme të Republikës së Turqisë (T.C.), u takua me nxënësit dhe mësuesit e shkollave Maarif në Kosovë.
Në takimin ku morën pjesë edhe Ambasadori i T.C. në Prishtinë, Sabri Tunç Angılı, Konsulli i Përgjithshëm i T.C. në Prizren, Celal Doğan, dhe Përfaqësuesi i Fondacionit Maarif të Turqisë (TMV) për Kosovën, Mehmet Nedim Aslan, I cili ndau informacione rreth aktiviteteve të Fondacionit Maarif të Turqisë dhe shkollave Maarif në Kosovës.
Delegacioni vizitoi kampusin e shkollave Maarif në Kosovë- Dega në Prizren, duke ndarë gëzimin e festës me nxënësit dhe mësuesit.
Duke dhënë deklarata gjatë vizitës, Ambasadori Güldere shprehu kënaqësinë e tij për qëndrimin në Kosovë me rastin e 23 Prillit dhe për vizitën në shkollen e Prizrenıt. Güldere tha: “Po vizitojmë Kosovën me rastin e Festës Turke të 23 Prillit. Në këtë kuadër, jemi shumë të lumtur që vizitojmë këtë kampus të bukur të Maarif-it në Prizren. Pamë fëmijët, pamë mësimet, vërtet ka një punë për t’u krenuar. Me këtë rast, ju falënderojmë shumë edhe juve. Vërtet ka një atmosferë plot gjallëri. Jemi shumë të lumtur që shohim punën këtu së bashku me Ambasadën tonë dhe Konsullatën tonë të Përgjithshme.”
Entuziazëm Festiv në Shkollat Maarif të Kosovës
Njëkohësisht me vizitën e Ambasadorit Güldere dhe delegacionit shoqërues, në shkollat Maarif në Degët e Prizrenit dhe Prishtinës në Kosovë u organizuan festime plot ngjyra me rastin e 23 Prillit, Ditës së Sovranitetit Kombëtar dhe Fëmijëve. Në aktivitetet që zgjatën gjatë gjithë ditës, nxënësit u argëtuan pa masë me aktivitete si lojëra interaktive, shfaqje vallëzimi plot gëzim dhe pikturim fytyre. Festimet, ku u përjetuan momente plot lumturi, krijuan një atmosferë festive kuptimplotë që pasqyronte frymën e unitetit dhe bashkimit, si dhe të ardhmen e ndritur që përfaqësojnë fëmijët./Kosova Post/
