Një delegacion i Forcave të Armatosura të Shqipërisë, i kryesuar nga Gjeneralmajor Ilir Xhebexhia, e ka vizituar Komandën e Forcave Tokësore të Forcës së Sigurisë së Kosovës, përcjell Kosova Post.
Delegacioni është pritur nga gjeneral brigade Hysen Dreshaj, nga komandant i KFT-së së FSK-së, ndërsa gjatë takimit,
Dreshaj e njoftoi Xhebexhian me të arriturat dhe sfidat e KFT-së, ngritjen e kapaciteteve luftarake.
Të dy gjeneralët me shtabet e tyre diskutuan për mundësit e bashkëpunimit në mes të dy forcave me fokus trajnimet dhe stërvitjet e përbashkëta.
Njëherit gjeneralët shprehën gatishmërinë e tyre për një bashkëpunim në fusha të interesit të përbashkët, në ngritjen e kapaciteteve dhe kontributin e tyre në të mirë të të dyja vendeve dhe interesit të përgjithshëm në të mirë të paqes në rajon dhe më gjerë.
