Fëmijët palestinezë në Rripin e Gazës vazhdojnë mësimin e Kuranit përmendësh, pavarësisht vështirësive të shkaktuara nga lufta izraelite e cila e ka shkatërruar enklavën, raporton Anadolu, transmeton KosovaPost.
Në një tendë të improvizuar, disa vajza kanë vijuar kursin e tyre të memorizimit të Kuranit, ndërkohë që objektet fetare thuajse janë shkatërruar tërësisht nga Izraeli.
Më 19 janar, hyri në fuqi marrëveshja e armëpushimit në Gaza, duke ndalur luftën gjenocidale izraelite, e cila që nga tetori i vitit 2023 ka marrë më shumë se 48.300 jetë, kryesisht gra dhe fëmijë, si dhe e ka lënë enklavën në gërmadha.
Sipas autoriteteve palestineze, sulmet izraelite kanë dëmtuar ose shkatërruar mbi 1.100 xhami dhe kanë vrarë mbi 300 imamë dhe predikues.
