Ministrja e Punëve të Jashtme dhe Diasporës (MPJD), Donika Gërvalla, ka mohuar pretendimet se draft-statuti për Asociacionin ofron autonomi për veriun e Kosovës.
Pas raportimit në Komisionin për Punë të Jashtme, kryediplomatja ka thënë se publikimi i këtij dokumenti nuk varet nga Kosova.
“Drafti nuk ofron asnjë lloj autonomie për veriun e Kosovës dhe nuk është fer pyetja sepse përgjigja nuk varet nga ne. Po të ishte për ne menjëherë do ta kishim publikuar, është kërkesë e atyre që facilitojnë procesin e negociatave të cilët na kanë lutur. Prandaj drafti është jo shumë i mirë, drafti ka mjaftë sfida, respekton shumë shqetësimeve tona në të kaluarën dhe mendoj që është një bazë e mirë për të punuar më të”, ka thënë Gërvalla para mediave.
Ajo nuk ka dashur të flasë për rekomandimet që i ka dërguar Kosova në lidhje me draftin.
“Unë atë nuk mund të ju them dhe nuk kam dëshirë të jua them sepse përndryshe do të shekja marrëveshjet. Pas aktit të agresionit asgjë më nuk është si në të kaluarën. Negociatat me Serbinë pas 24 shtatorit para sinjaleve të qarta nga BE drejtuar Serbisë negociatat të kohëve të vjetra nuk do të ketë me. Ne jemi konstruktiv në qasjen tonë ndaj partnerëve tanë”, është shprehur ajo.
