Kryetari i Partisë Demokratike të Kosovës, Bedri Hamza, ka bërë të ditur se sot është takuar ndaras me liderët e tri partive parlamentare, Albin Kurtin, Lumir Abdixhikun dhe Haxhiun Gjinin, përcjell KosovaPost.
Hamza tha se takimet janë zhvilluar me kërkesën e tij, pas vendimit të Dhomave të Specializuara në Hagë ndaj ish-krerëve të UÇK-së.
“Ne biseduam për seriozitetin e situatës së krijuar, sfidat me të cilat po përballemi, si dhe për mundësitë e bashkëpunimit në këtë periudhë të rëndësishme për popullin dhe shtetin tonë”, ka shkruar Hamza.
Ai i ka falënderuar të tre liderët për takimet.
