Ministri për Punë, Familje dhe Vlerat e Luftës Çlirimtare, Andin Hoti, i është kundërpërgjigjur Ivica Daçiqit, pas deklaratës së këtij të fundit se një ditë flamuri serb do të valëvitet mbi Prizren, përcjell KosovaPost.
Përmes një postimi, Hoti e ka ftuar Daçiqin të vijë në Prizren, duke i thënë që ta marrë me vete edhe Milan Radoiçiqin, të dyshuarin për organizimin e sulmit të armatosur në Banjskë.
“Daçiq, eja në Prizren! Të presim! Merre edhe Radoiçiqin me vete”, ka shkruar Hoti.
Ai ka theksuar se Prizreni është Kosovë dhe Kosova është republikë, duke rikujtuar se luftës dhe synimeve për pushtim u është dhënë fund në vitin 1999 nga Ushtria Çlirimtare e Kosovës, me mbështetjen vendimtare të NATO-s.
Në fund, Hoti ka thënë se drejtësia ka çështje të pambyllura me Daçiqin, duke shtuar se institucionet e drejtësisë në Kosovë e presin atë.
Postimi i plotë:
