Deputetja e VV-së, Jeta Statovci ka komentuar deklaratën e ish-kryeministrit Avdullah Hoti i cili ka kërkuar të mbahen zgjedhje pas dakordimit në Ohër mes Kurtit e Vuçiqit për aneks zbatimin e planit evropian, duke thënë për të se është në kundërshtim me të gjitha kushtet e vendosura të Kryeministrit e Presidentës Osmani.
Statovci në Prime Time tha se detyrimet e nënshkruara janë të trashëguara dhe se nuk ishin prioritet i planit qeverisës me të cilat kishin garuar me VV-në.
“Me aq sa kujtojë unë, kauza të tilla politike kanë qenë vazhdimisht para se këto gjëra të ndodhnin. Nëse kanë qenë kauzë politke “Jo negociata, Vetëvendosje”, kanë qenë para se të fillonin negociatat. Unë nuk e kujtojë që në planin tonë me të cilin ne kemi garuar, ka pasur diçka për ndalim të procesit të negociimi. E njëjta qëndron edhe për Asociacionin. Nëse kujtojmë rastet e refuzimit të propozimimeve të tilla, kanë qenë para se të ndodhnin”, deklaruoi Statovci.
Ajo ka përmendur edhe rastin e një marrëveshjes së Perandorisë Osmane të vjetër 100 vjet dhe që ende qëndron në fuqi, për çka edhe tha se Kosovës në takimin në Ohër i është kërkuar seriozitet për çfarë po nënshkruan për shkak të rëndësisë së saj.