Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 3 janar, shkruan Kosova Post.
3 Janari është dita e 3-të e kalendarit, janë edhe 362 ditë deri në fund të vitit.
Si sot në vitin 1870 ka filluar ndërtimi i Urës së Bruklinit (Brooklyn), të cilën e njohim nga shumë filma dhe është një nga vendet më të vizituara për turistët që shkojnë në Nju-Jork.
Si sot në vitin 1917, çetat armene që ishin ngritur në kryengritje, duke përfituar nga dobësimi i Shtetit Osman gjatë Luftës së Parë Botërore, dogjën të gjallë bashkë me xhaminë e tyre 373 turq myslimanë në Xhaminë e Arapit në Ardahan.
Në vitin 1920 Turqia bëri marrëveshjen e paqes me Armeninë.
Në tërmetin që ra në vitin 1952 në provincat Erzurum dhe Hasankale të Turqisë humbën jetën 69 vetë dhe u plagosën 299 të tjerë.
Në vitin 1961 u krijua “Këshilli i Monitorimit të Reklamave në Shtypin e Shkruar” me qëllim për të siguruar një shpërndarje të drejtë të të ardhurave që sigurohen nga reklamat dhe njoftimet zyrtare të bëra në gazeta e revista.
Në vitin 1976 hyri në fuqi Pakti Ndërkombëtar për të Drejtat Ekonomike, Shoqërore dhe Kulturore. Këtë pakt Turqia e nënshtroi më 15 gusht 2000.
Në vitin 1990 u shit për 45 milionë TL (Lira Turke) tabloja “Mërgimi” (Göç) e piktorit turk, Ibrahim Balaban. Ky ishte çmimi më i madh i paguar deri në atë datë për veprën e një piktori në jetë.
Në vitin 2004, një avion pasagjerësh i tipit “Boeing-737”, i shoqërisë ajrore egjiptiane “Flash Air” ra në Detin e Kuq. Në aksident vdiqën 148 vetë.