Aplikacioni eKesco, tashmë po bëhet pjesë e pandarë e konsumatorëve tanë. Kur jemi në pjesën e parë të vitit 2025, numri i konsumatorëve që e përdorin këtë aplikacion ka arritur në mbi 304 mijë.
Pra, gati gjysma e konsumarorëve tanë tashmë e përdorin eKesco-n. Përdorimi deri në këto përmasa është tregues i qartë që kompania po ofron dhe avancon çdo ditë shërbimet digjitale sa i përket furnizimit me energji elektrike.
Digjitalizimi i shërbimeve dhe avancimi i tyre është në qendër të zhvillimeve të KESCO-s, si përmbushje e misionit për të ofruar partneritet dhe shërbime sa më të avancuara për konsumatorët. Pra, qytetarët e Kosovës po orientohen drejt botës digjitale dhe KESCO po e lehtëson këtë rrugëtim.
Në këtë aplikacion i cili është zhvilluar nga ekspertë të fushës, janë përfshirë të gjitha shërbimet e nevojshme të cilat mund të kryhen në formë digjitale, pa pasur nevojë të vizitojnë qendrat tona. Aty konsumatorët mund të kryejnë pagesat e energjisë elektrike, të përcjellin konsumin e tyre nga njehsori smart, të bëjnë krahasime të shpenzimeve muaj për muaj, si dhe muajve të njëjtë me vitin paraprak.
Gjithashtu, përmes këtij aplikacioni, ata mund të adresojnë kërkesat e tyre, drejtuar kompanisë lidhur me çështjet që kanë nevoje e padyshim edhe të marrin informata të ndryshme rreth punimeve të planifikuara në rrjet.
KESCO vazhdon të shënojë një rritje të vazhdueshme dhe të qëndrueshme, duke reflektuar angazhimin e saj të palëkundur për përqafimin e teknologjive moderne. Kjo rritje është një dëshmi e misionit të KESCO-s për të ofruar shërbime më të shpejta, më cilësore dhe më të sigurta për konsumatorët e saj.
Në përputhje me zhvillimet teknologjike globale, KESCO do të vazhdojë të jetë lider në sektorin energjetik, duke kontribuar në avancimin e ekonomisë dhe ofruar shërbime që janë gjithmonë një hap përpara. Angazhimi i KESCO-s për inovacion është një faktor kyç për zhvillimin e qëndrueshëm të industrisë energjetike dhe ekonomisë në përgjithësi.Aplikacionin mund ta shkarkoni në IOS dhe Android./Kosova Post/
