Është realizuar me sukses eksplodimi i kontrolluar i një predheje të dyshuar e mbetur nga Lufta e Dytë Botërore, në fshatin Stagovë, në lagjen “Teneqja” të Kaçanikut.
Ky operacion është kryer nga njësitë e KFOR-it në bashkëpunim me Policinë e Kosovës.
Për të siguruar qytetarët dhe për të parandaluar ndonjë rrezik, është vendosur një perimetër sigurie prej 1000 metrash përreth vendit të ngjarjes.
Sipas njoftimit për media, operacioni ka përfunduar pa incidente dhe deri tani nuk raportohet për ndonjë rrezik për banorët e zonës.
