Kryetari i Kuvendit, Glauk Konjufca ka bërë homazhe dhe vendosi lule në kompleksin memorial, në nderim të të vrarëve në këtë masakër nga regjimi gjenocidal i Serbisë.
Në 24 vjetorin e masakrës së Rezallës, ai tha se kjo masakër, së bashku me të gjitha masakrat e kryera prej aparatit shtetëror dhe ushtarak të Serbisë, e përbëjnë gjenocidin që ky shtet e ka ushtruar mbi popullin e Kosovës, thuhet në njoftimin e drejtorisë për media dhe marrëdhënie me publikun në Kuvendin e Kosovës.
Tutje Konjufca ka thënë se në këtë ditë të përkujtimit, kërkojmë drejtësi për të gjithë ata që u vranë mizorisht nga Serbia dhe se duhet ta mbajmë në mend historinë dhe të sigurohemi se krimet e tilla nuk do të përsëriten kurrë.
