Kryeministri i Kosovës, Albin Kurti në një konferencë për media pas takimit me presidentin serb, Aleksandër Vuçiqi në Ohër sërish ka kritikuar palën serbe për hezitimin që ka shfaqur për të nënshkruar marrëveshjen.
Kurti ka thënë se ai as nuk ka hezituar as nuk ik por guxon.
“Por unë besoj që është platformë solide (plani evropian) për të ecur përpara andaj edhe e pranueshme për neve, ne nuk hezitojmë ne nuk frikësohemi edhe me datën 27 shkurt edhe sot me 18 mars unë si kryeministër i Kosovës kam qenë i gatshëm të nënshkruaj. Meqenëse unë jam lider politik, si kryeministër që udhëheq me Republikën tonë, unë zotohem me nënshkrim. As nuk hezitoj as nuk ik, por guxoj.”, ka thënë Kurti.
