Kryeministri i Kosovës, Albin Kurti, ka pritur në takim Komisionerin e Lartë të OSBE-së për Pakicat Kombëtare, Christophe Kamp, me të cilin ka diskutuar për të drejtat e komuniteteve joshumicë, përdorimin e gjuhëve dhe qasjen në arsim e shërbime publike, përcjell Kosova Post.
Përmes një postimi, Kurti ka bërë të ditur se gjatë takimit është diskutuar edhe për zbatimin e ligjit në mbrojtje të pronës publike, mjedisit dhe burimeve ujore.
Ai ka theksuar se barazia para ligjit është themel i Republikës së Kosovës, duke shtuar se të drejtat dhe detyrimet duhet të vlejnë njësoj për të gjithë, pa dallim.
Kurti ka rikujtuar se Kushtetuta e Kosovës garanton të drejta të gjera për komunitetet joshumicë, ndërsa ka theksuar rëndësinë që këto garanci të zbatohen plotësisht në jetën institucionale dhe shoqërore.
