Rikthimi i Neymar-it te Santosi është gjithnjë e më afër. Negociatat për të ndërprerë kontratën e tij me Al Hilal nga Arabia Saudite janë në një fazë të avancuar, sipas gazetës “L’Equipe”, dhe pasi të lirohet nga angazhimi me klubin saudit, ai do të kishte rrugë të lirë për t’u kthyer te skuadra ku u formua.
Neymar ka kontratë me Al Hilal-in deri në qershor të vitit 2025 dhe përfiton rreth 100 milionë euro në vit, një shifër e paarritshme për Santosin.
Sipas burimeve të gazetës franceze, për të lehtësuar rikthimin e Neymar-it te Santosi, futbollisti dhe babai i tij po planifikojnë të ndërmarrin një hap paraprak. Ata mund të bashkohen me një fond investimi për të blerë një pjesë të pronësisë së klubit brazilian, gjë që, sipas “L’Equipe”, do t’i mundësonte Santosit t’i ofronte Neymar-it një kontratë më të lartë.
Neymar, lojtar dhe bashkëpronar te Santosi
Al Hilal kishte paguar 90 milionë euro për Neymar-in në gusht të vitit 2023, por një dëmtim serioz që pësoi gjatë lojës me kombëtaren e Brazilit e ka penguar të luajë rregullisht. Ai u dëmtua më 17 tetor 2023, në një ndeshje kundër Uruguait, dhe nuk u rikthye në fushë deri më 21 tetor. Më 4 nëntor, ai pësoi një tjetër dëmtim gjatë një ndeshjeje të Ligës së Kampionëve të Azisë kundër Esteghlal-it. Edhe pse ky dëmtim nuk ishte aq serioz, Neymar ende nuk është kthyer në fushë. Deri tani, ai ka luajtur vetëm shtatë ndeshje zyrtare me Al Hilal që nga transferimi i tij në Arabinë Saudite.
Situata aktuale
Për të luajtur në ligën saudite, Neymari është i regjistruar vetëm për Ligën e Kampionëve dhe që ai të luante në kampionatin e brendshëm, Al Hilal do të duhej të largonte një nga lojtarët e huaj. Nëse transferimi i tij te Santosi finalizohet, klubi saudit do të shmangte një tjetër problem të madh.s.net.
