Ministria e Industrisë, Ndërmarrësisë, Tregtisë dhe Inovacionit ka bërë të ditur se gjatë periudhës janar–prill 2026 janë regjistruar 4,699 biznese të reja në Agjencia e Regjistrimit të Bizneseve të Kosovës, ndërsa 477 biznese janë shuar.
Sipas të dhënave zyrtare, shumicën e bizneseve të reja e përbëjnë shoqëritë me përgjegjësi të kufizuar, me gjithsej 3,561 të tilla, ndërsa 1,119 janë biznese individuale. Po ashtu janë regjistruar edhe 12 degë të shoqërive të huaja, 6 shoqëri aksionare dhe 1 zyrë përfaqësuese e huaj.
Në të njëjtën periudhë, nga bizneset e shuara, 371 janë biznese individuale dhe 99 shoqëri me përgjegjësi të kufizuar.
MINT ka theksuar se mbetet e përkushtuar në mbështetjen e sektorit privat dhe në përmirësimin e shërbimeve për bizneset, duke garantuar “cilësi, shpejtësi dhe përkushtim në çdo shërbim”.
