Sot në Kosovë do të jetë me acar të fortë dhe me temperatura deri në -6 apo -7 gradë Celsius, por gjatë ditës do të ketë shtim të vranësirave dhe rrallë në ndonjë zonë (në bjeshkët e Pejës) ndonjë fjollë e dobët bore. Priten edhe intervale kohore me diell sidomos orëve të pasdites. Temperatura maksimale parashihet deri në 8 gradë Celsius.
Në Shqipëri nesër pritet të ketë shtim të vranësirave me reshje lokale shiu, ndërsa në zonat veriore e lindore do të ketë reshje kalimtare bore. Reshje bore priten edhe në juglindje të Shqipërisë, por asgjë e madhe.
Edhe në disa pjesë të Maqedonisë së Veriut priten reshje kalimtare bore në perëndim të vendit. Në viset tjera pritet mot kryesisht i thatë. Në Luginën e Preshevë të Martën nuk priten reshje për dallim nga Mali i Zi kur priten reshje kryesisht bore të karakterit lokal.
Të Mërkurën pak më butë, por sërish me shtim të vranësirave dhe reshje lokale shiu e bore. Reshjet do të jenë të pakta dhe lokale. Reshje të karakterit lokal do të ketë në tërë rajonin, përpos disa viseve të Kosovës dhe pjesëve të Maqedonisë së Veriut ku nuk priten fare reshje.
Mot i ngjashëm, me alternime mes vranësirave, intervaleve kohore me diell dhe reshjeve të herëpashershme do të mbajë edhe të Enjten dhe të Premten, ndërsa goditje dimërore mund të kemi këtë fundjavë me reshje lokale bore dhe ulje të fuqishme të temperaturave
