Hekuran Murati nga Lëvizja Vetëendosje ka bërë të ditur se ky subjekt, po insiston në votimin e fshehtë për kandidaten e tyre për Kryeparlamentare e cila sipas tij mbetet, Albulena Haxhiu.
E gjitha, anise në tentativat e mëparshme ka dështuar të marrë votat e shumicës, Murati u shpreh se është opozita ajo e cila duhet ta ndryshojë qëndrimin e saj.
“Besoj që tashmë e dini propozimin e VV-së, që na takon si e drejtë kushtetuese. Është Albulena Haxhiu. Ajo çfarë duhet të ndryshojë është qëndrimi për të bllokuar i opozitës, që tashmë jemi dëshmitar disa vazhdime radhazi që vazhdojnë të votojnë kundër apo të mos marrin pjesë në votim. Idea është që të ofrojmë dhe një mundësi tjetër votimi në pajtim dhe me frymen e kushtetutës dhe letren e presidentes që kërkon , që të gjindet rrugëdalje për mundësi për zhbllokim. Idea është që votimi i fshehtë do të ofronte mundësi më të mirë, për shprehjen demokratike të vullnetit të lirë të secilit deputet. Dhe mendojmë që kjo do të ishte zgjidhje. Prandaj pse të mos i ipet një shansë dhe kësaj mundësie që të shihet nëse kjo e zgjidh situaten”, tha ai.
