Autoritetet palestineze shëndetësore në Gaza thanë se kalimi kufitar i mbyllur prej kohësh me Egjiptin u rihap të shtunën, duke lejuar mijëra palestinezë që kanë nevojë për kujdes urgjent mjekësor të largohen.
Me mbështetjen e Organizatës Botërore të Shëndetësisë (OBSH) dhe partnerëve të saj, 37 pacientë (34 fëmijë dhe tre të rritur) u evakuuan nga Gaza në Egjipt përmes pikës kufitare Rafah të shtunën, të shoqëruar nga 39 anëtarë të familjes, shkruan Euronews, transmeton KK.
Evakuimi do të thotë që pacientët do të marrin kujdes mjekësor të specializuar që nuk është i disponueshëm në Gazën e shkatërruar nga lufta .
Evakuimi vjen mes thirrjeve urgjente të OBSH-së për të përshpejtuar transferimet mjekësore të pacientëve në gjendje kritike.
