Kryetari i komunës së Zveçanit, Ilir Peci ka dënuar sulmin me granata dore që ka ndodhur mbrëmë në drejtim të objektit që drejton ai.
Ai ka publikuar edhe fotografi nga dëmet materiale që janë shkaktuar si pasojë e sulmit me granata dore atje.
Ndryshe, Policia e Kosovës ka njoftuar se mbrëmë para mesnate ka pas një shpërthim në drejtim të objektit të Komunës së Zveçanit
Zëvendësdrejtori i Policisë së Kosovës për rajonin e Veriut, Veton Elshani tha për teve1.info se sulmi ka shkaktuar dëme materiale.
“Mbrëmë para mesnate ka pas një shpërthim që ne dyshojmë se ka qenë granate dore e llojit M-75. E njëjta ka shkaktu dëme materiale në ndërtesën e Komunës së Zvecanit e poashtu edhe në 4 vetura që kanë qenë të parkuara aty afër. Nuk ka të lënduar apo të dyshimt, ndërsa policia po punon në drejtim të ndriqimit të rastit. Policia mbetet e përkushtuar që të vazhdoj të ofroj shërbimet ndaj qytetarëve të veriut të vendit”, tha ai.
Ditë më parë me granata dore është sulmuar edhe stacioni i Policisë së Kosovës në këtë komunë.
