Policia e Kosovës ka bërë apel për kujdes të shtuar nga qytetarët, duke marrë parasysh temperaturat e larta dhe rrezikun e shtuar të shpërthimit të zjarreve në ambiente të hapura.
Sipas autoriteteve, zjarret përbëjnë rrezik serioz për jetën, pronën dhe mjedisin, duke shkaktuar pasoja të rënda sa herë që ndodhin.
Policia u ka bërë thirrje qytetarëve që të shmangin çdo aktivitet që mund të shkaktojë zjarr, si përdorimi i shkrepëseve, cigareve, grilave apo ndezja e zjarreve në natyrë, veçanërisht në kushte të thata dhe me temperatura të larta.
Gjithashtu, qytetarët janë inkurajuar që të raportojnë menjëherë çdo rast të dyshuar zjarrvënieje apo personat që mund të jenë të përfshirë në këto veprime.
Autoritetet kanë paralajmëruar se do të ndërmerren masa ligjore ndaj të gjithë individëve që, me dashje apo nga pakujdesia, rrezikojnë jetën e qytetarëve dhe pronën e tyre.
Policia ka theksuar se angazhimi i saj do të jetë i plotë në parandalimin dhe ndëshkimin e rasteve të zjarrvënieve në të gjithë vendin.
