Para përfaqësisë së përhershme të SHBA-së në OKB është protestuar për shkak të vetos së Washingtonit në Këshillin e Sigurimit të OKB-së ndaj projekt-rezolutës për armëpushim humanitar në Gaza, raporton Kosova Post.
Protestuesit u mblodhën para ndërtesës së misionit të SHBA-së përballë ndërtesës së OKB-së në New York.
Në protestën ku morën pjesë edhe liberalët amerikanë dhe hebrenjtë ortodoksë, protestuesit mbanin flamuj të Palestinës dhe pankarta me mbishkrimet si “Fund pushtimit”, “Armëpushim tani” dhe “Rezisto ndaj pushtimit”.
Nën brohoritjen e sloganeve “Liri Palestinës”, “Jepni fund plotësisht pushtimit”, “Rikthejani palestinezëve territoret e tyre”, “Po judaizmit, jo sionizmit”, “Palestina do të jetë e lirë”, protestuesit reaguan ndaj mbështetjes së SHBA-së për Izraelin dhe vetos së saj ndaj projekt-rezolutës në KS-OKB ku bëhej thirrje për armëpushim.
Po ashtu protestuesit falën namaz përpara përfaqësisë së përhershme të SHBA-së.
Protesta e cila u mbajt nën masa intensive sigurie, vazhdoi nëpër rrugët e Manhattanit.
