Palestinezët në Gaza po presin me orë të tëra në furrat e bukës pasi Izraeli ka ndërprerë të gjitha furnizimet me ushqim, ilaçe dhe karburant.
Radhë të gjata u formuan para agimit jashtë një furre në Khan Younis, ku banorët prisnin me shpresën për të siguruar qoftë edhe një copë bukë për ditën.
“Mund të marrim vetëm një qese bukë, kufijtë janë të mbyllur,” tha 75-vjeçari Abu Essam Abu Sahloul, duke mos fshehur zemërimin e tij. “Për çdo person, ka vetëm gjysmë buke, gjysmë pita. Dal nga shtëpia në 6 të mëngjesit dhe kthehem në 1 pasdite me vetëm një bukë.”
Samah Sahloul, një tjetër banore e Khan Younis, përshkroi krizën në përkeqësim: “Më parë kishim energji elektrike për të gatuar, por tani nuk ka më rrymë dhe nuk ka as dru për të pjekur bukë në furrë. Po fëmijët, si t’i ushqej? Kam një foshnjë dhe nuk mund të gjej pelena për të. Kjo nuk është jetë, të jem e sinqertë.”
