Komisioni Qendror i Zgjedhjeve në përditësimin e të dhënave në uebfaqen ka bërë publike se deri në orën 6:00 janë numëruar 88.04 për qind e votova ose 2 mijë e 333 nga 2 mijë e 533 vendvotime sa janë gjithsejtë.
Sipas këtyre të dhënave të KQZ-së, Lëvizja Vetëvendosje kryeson me 41.29 % të votave, ndërsa Partia Demokratike e Kosovës renditet e dyta me 21.7 %, Lidhja Demokratike e Kosovës ka marrë 17.5 % të votave, dhe AAK-Nisma dhe partnerët e tjerë 7.2 %.
Pas tyre vazhdon Lista Serbe me 3.96 për qind e pasuar nga Koalicioni për Familje me 2.31 për qind dhe Partia Demokratike Turke e Kosovës me 0.51 për qind.
Sipas KQZ-së, dalja në votime ka qenë 40.59 për qind, pa llogaritur votat me kusht dhe ato të diasporës.
Numri i qytetarëve me të drejtë vote në vendvotime ishte 1 milion e 970 mijë e 944 votues, derisa për herë të parë votën e tyre kanë mundur ta hedhin 125 mijë e 852 votues të rinj.
