SHBA i mbyll derën Berishës, pikërisht në kohën kur ky i fundit po bën fushatë me premtimin se me ardhjen në pushtet do të heqë vizat me SHBA për shqiptarët, dhe pse vetë non grata.
Ambasada amerikane në Tiranë, ka shpërndarë një deklaratë në rrjete sociale ku shprehet qartë se nuk bashkëpunojnë me individë të përcaktuar për përfshirje në korrupsion madhor.
“Nxis të gjitha palët të angazhohen në mënyrë konstruktive në një proces politik që është i barabartë për të gjithë. Ne i qëndrojmë pozicionit tonë të kahershëm se nuk angazhohemi me individë të përcaktuar për përfshirje në korrupsion madhor.” thuhet ndër të tjera në deklaratë.
Deklaratë e ambasadës së SHBA:
“Një opozitë e shëndetshme është pjesë me rëndësi kritike e një demokracie të gjallë.
I vlerësoj mundësitë që kam pasur muajt e fundit për t’u takuar me përfaqësues të ndryshëm të opozitës për të dëgjuar një larmi këndvështrimesh mbi sfidat me të cilat përballet populli shqiptar, shqetësimet për mjedisin e ardhshëm zgjedhor dhe sesi Shqipëria mund të ndërtojë një të ardhme më të mirë.
Nxis të gjitha palët të angazhohen në mënyrë konstruktive në një proces politik që është i barabartë për të gjithë. Ne i qëndrojmë pozicionit tonë të kahershëm se nuk angazhohemi me individë të përcaktuar për përfshirje në korrupsion madhor.” – e ngarkuara me punë Nancy VanHorn.
