Në Shqipëri është zbuluar liqeni termal nëntokësor më i madh në botë, transmeton Anadolu.
Zbulimi është bërë nga një ekip shkencëtarësh çekë, ndërsa mediat çeke njoftuan se zbulimi erdhi pas vitesh eksplorimi të udhëhequr nga eksperti çek Marek Audy, i cili kishte dyshuar për ekzistencën e një sistemi të fshehur të shpellave termike në Vronomer të luginës së Vjosës, në pjesën jugore të Shqipërisë.
Gjatë eksplorimit të zonës pranë kufirit grek dhe gjurmimit të avullit nga burime të shumta të nxehta, shkencëtarët zbuluan një humnerë 100 metra të thellë.
Në fund të saj ata gjetën liqenin, i cili ka një gjatësi prej 138 metrash dhe prej gjerësi 42 metrash.
Shkencëtarët thonë se tani e dinë se burimet e nxehta përreth ushqehen me ujë nga liqeni nëntokësor.
“Ne besojmë se ky zbulim mund të kontribuojë gjithashtu në mbrojtjen e të gjithë zonës dhe në fitimin e një kuptimi më të mirë të hidrologjisë së saj, sepse deri më sot askush nuk e di se si janë të lidhura saktësisht këto ujëra nëntokësore me sipërfaqen”, tha anëtari i ekipit, Richard Bouda.
