Federata e Futbollit të Rumunisë ka humbur apelimin ndaj dënimit të marrë nga UEFA për thirrjet raciste të tifozëve të saj.
Kështu, Rumania do të luajë ndeshjen e saj të parë shtëpiake për kualifikimet e Kupës së Botës 2026 në një stadium të boshatisur.
Ndeshja do të jetë kundër Bosnjë Hercegovinës më 21 mars. Ky rast ishte i pari nga dy apelime të veçanta në Gjykatën Arbitrare të Sportit (CAS) lidhur me ndeshjen kaotike Rumani-Kosovë të nëntorit të kaluar në Ligën e Kombeve.
Tifozët rumunë kënduan slogane kundër Kosovës dhe slogane pro Serbisë që ishin ofenduese për lojtarët dhe tifozët e Kosovës. Ekipi i Kosovës refuzoi të vazhdonte ndeshjen. Më pas, UEFA i dha Rumanisë një fitore 3-0 në tavolinë.s.n.
