Në ora 11:00 zëvendëskryeministri në detyrë, Besnik Bislimi i cili është edhe kryenegociator i Kosovës në dialogun me Serbinë, do të zhvillojë takim me emisarin e BE-së për dialog Peter Sorensen. Këtë e ka konfirmuar për RTKlive, Klisman Kadriu, këshilltar i Bislimit.
Sorensen ishte në Prishtinë në marsin e këtij viti, që ishte edhe vizita e tij e parë si emisar special i BE-së, i cili pasoi Miroslav Lajçakun. Në vizitën e parë ai kishte zhvilluar takime me krerët shtetëror e ata politik.
Ai kishte thënë se prioritet për të do të jetë të sigurojë takime mes përfaqësuesve të Kosovës dhe Serbisë.
