Astronautja Sunita Williams theu rekordin për kohën totale të “ecjes në hapësirë” nga një grua, duke kaluar 62 orë e 6 minuta dhe duke tejkaluar rekordin e mëparshëm të Peggy Whitson prej 60 orë e 21 minutash, transmeton Anadolu.
Duke qëndruar në bordin e Stacionit Ndërkombëtar Hapësinor (ISS) që nga qershori 2024, Williams dhe Butch Wilmore përfunduan dje një “ecje në hapësirë”.
Gjatë këtij aktiviteti jashtë stacionit, ata rregulluan pajisjet radio me defekt dhe mblodhën mostra për të ekzaminuar për mikroorganizma në pjesën e jashtme të ISS-së.
“Astronautja e NASA-s, Suni Williams, sapo ka kaluar kohën totale të ‘ecjes në hapësirë’ të ish-astronautes Peggy Whitson prej 60 orë e 21 minutash”, njoftoi NASA në një postim në X.
Kohëzgjatja fillestare e misionit për Williams dhe Wilmore u caktua për vetëm tetë ditë, por u zgjat në 238 ditë të pabesueshme, duke nxitur diskutime rreth masave paraprake të nevojshme për mirëqenien e astronautëve gjatë qëndrimeve të tilla të zgjatura.
NASA deklaroi se i ka pranuar sfidat e këtij misioni të zgjatur dhe po punon ngushtë me SpaceX për të siguruar një kthim të sigurt për astronautët.
