Kryetari i Aleancës për Ardhmërinë e Kosovës, Ramush Haradinaj, ka takuar kryetarët e pesë komunave, që udhëhiqen nga AAK.
Haradinaj ,shprehet krenar me udhëheqjen e tyre, ndërsa thekson se komunat ku ata udhëheqin kanë ndërruar pamjen.
“Krenar me kryetarët e komunave që udhëhiqen nga Aleanca; Ardian Gjini, Bali Muharremaj, Zenun Elezaj, Smajl Latifi e Bashkim Ramosaj. Secili prej tyre më i mirë se tjetri. Gjatë qeverisjes së tyre, ka ndërruar për të mirë pamja e qyteteve e komunave të tyre”, shprehet lideri i AAK-së.
Tutje, theksoi Haradinaj se “Ata kanë vendosur standardin më të lartë të një qeverisjeje në komunë”.
