I pari dhe më i pasuri në histori sa i përket shpërblimeve. Botërori për Klube, krijesa më e re e futbollit që organizohet nga FIFA dhe do të marrë jetë në verën e vitit 2025 është një thesar i vërtetë për 32 klubet pjesmarrëse.
Qeveria botërore e futbollit miratoi paketën financiare që do të shpërndahen për këtë turne, ku 1 miliartd dollarë do të shpërndahen për të gjithë klubet finalistë, në bazë të ecurisë së tyre në turneun që do të zhvillohet nga data 15 qershor deri më 13 korrik në Shtetet e Bashkuara të Amerikës.
Sigurisht, skuadra që do të ngrejë për herë të parë këtë trofe do të marrë edhe copën më të madhe të tortës së shpërblimeve, duke arkëtuar 125 milion dollarë.
Jo vetëm kaq, pasi FIFA do të krijojë edhe një fond solidariteti prej 250 milion dollarësh.
Edhe kjo shumë do të shpërndahet si mbështetje për klubet në të gjithë botën, shkruan abcnews.al.Gjithashtu, Botërori i Klubeve, sipas FIFA do t’I shërbejë të gjitha lëvizjes së futbollit, pasi të gjitha të ardhurat që do të vijnë nga ky turne do të shpërndahen më pas në projekte investimesh për të gjitha 211 federatave anëtare të organizatës më të madhe të futbollit botëror.
