Manchester Unitedi është mposhtur si vendas nga Wolvesi me rezultat minimal, një ndeshje pas fitores dramatike ndaj Lyonit.
Pjesa e parë u mbyll pa gola, ndonëse rastin më të mirë për shënim e pati Christian Eriksen, i cili nga gjuajtja e lirë rrezikoi portën mysafire.
Në 45 minutat e dyta, asnjëra skuadër nuk e rrezikoi seriozisht portën kundërshtare deri në minutën e 77-të, kur Pablo Sarabia ia dha epërsinë “Ujqve”.
Unitedi u mundua që së paku ta barazonte rezultatin, ku Mason Mount pati shans të artë në minutën e 84-të, por gjuajtja e tij shkoi jashtë portës.
Unitedi gjendet në vendin e 14-të ku nga 33 ndeshje ka vetëm 38 pikë, aq sa ka edhe Wolves që gjendet një vend më poshtë.
