Urime Muaji i Ramazanit!
Lëvizja VETËVENDOSJE! ua uron të gjithë besimtarëve musliman fillimin e muajit të Ramazanit duke u dëshiruar agjërim të lehtë, paqe shpirtërore dhe plot mirësi në zemër.
Ramazani është kohë reflektimi dhe përkushtimi, gjatë së cilës vetëpërmbajtja dhe sakrifica përkujtojnë vlerat thelbësore njerëzore si dashuria, empatia dhe ndihma e ndërsjellë. Le të shërbejë ky muaj si një thirrje për t’i forcuar lidhjet mes njëri-tjetrit, për të praktikuar më shumë solidaritet e për t’u kujdesur me zemërgjerësi ndaj atyre që kanë më pak.
Në këtë muaj të veçantë, rëndësi të posaçme merr bashkimi shoqëror dhe fryma e mirëkuptimit. Qoftë Ramazani një mundësi për të ngritur mbi çdo pengesë ndjenjën e barazisë dhe respektit njerëzor. Të jemi shembull i devotshmërisë, duke u përqendruar te ndihma e vërtetë dhe dashuria që sjell gëzim e shpresë për të gjithë.
Urime të gjithë besimtarëve muajin e Ramazanit.
U pranoftë agjërimi juaj, dhe u shtoftë begatia për ju në çdo ditë të këtij muaji të shenjtë!
