Poo vazhdon procesi i verifikimit dhe numërimit të votave në disa Qendra Komunale të Numërimit, ndërkohë që në disa komuna ky proces është tashmë i përmbyllur.
Një garë tepër e ngushtë po zhvillohet në komunën e Gjilanit mes dy kandidatëve kryesorë.
Sipas rezultateve të përditësuara më 17 tetor, kryetari aktual i komunës, Alban Hyseni nga Lëvizja Vetëvendosje (LVV), është në epërsi me 50.25% të votave. Deri tani janë numëruar 97 nga gjithsej 133 vendvotime.
Hyseni ka siguruar 15,541 vota, ndërsa kundërkandidati i tij nga Lidhja Demokratike e Kosovës (LDK), Arbër Ismaili, ka marrë 10,526 vota, që përfaqësojnë 34.03% të votave të deritanishme.
Procesi i numërimit vazhdon, ndërkohë që rezultatet preliminare nuk përfshijnë votat me kusht dhe ato nga diaspora.
