Lëvizja Vetëvendosje ka thënë se presidenti i Serbisë, Aleksandar Vuçiq, nuk është i interesuar për normalizim të raporteve, pas sipas saj, ai s’e duron barazinë me Kosovën, përcjell KosovaPost.
Nëpërmjet një videomesazhi, partia në pushtet ka thënë të enjten se Kosova është Republikë e të gjithë atyre që duan të jetojnë në të.
“Me 28 shkurt 2023 – Në Bruksel, Serbia gojarisht deklaroi se pajtohet me marrëveshjen por ikën nga nënshkrimi. Me 18 mars 2023 – Në Ohër, Serbia sërish deklarohet se pajtohet, por ikën nga nënshkrimi.”, ka thënë kjo parti.
Në video thuhet se Vuçiq në vazhdimësi e ka shkelur marrëveshjen e Brukselit, “për të cilën ai thoshte se është dakorduar”.
“Serbia pavarësisht dakordimit ajo urdhëron subjektet serbe të mos marrin pjesë në zgjedhjet në komunat e veriut të Republikës së Kosovës çka përbën shkelje të marrëveshjes. Serbia lobon dhe voton kundër anëtarësimit të Republikës së Kosovës në Këshillin e Evropës çka përbën shkelje të marrëveshjes. “, thuhet tutje.
“Me 24 shtator 2023 përmes sulmit terrorist organizuar, financuar dhe mbështetur nga shteti i Serbisë tentohet aneksimi i pjesë së veriut të Republikë së Kosovës, që përveçse shkel direkt marrëveshjen paraqet edhe agresion ndaj vendit tonë” duke shtuar se pas këtij sulmi u ftua në Bruksel për të ikur sërish nga nënshkrimi.
“Me 26 tetor 2023 – Në Bruksel, Serbia sërish ikën nga nënshkrimi.”, shkruan VV.
Ndërkaq shton se mungesa e sanksionimit të Serbisë për sulmin agresor ndaj Kosovës tregon për hapin e radhës të Serbisë.
Po ashtu Vetëvendosja thotë se nëse grupet fashiste që strehohen në Serbi provojnë diçka do ta marrin përgjigjen e njëjtë të para dy muajve.
Postimi i plotë:
Serbia nuk është e interesuar për normalizim sepse nuk e duron barazinë me Republikën e Kosovës
Me 28 shkurt 2023 – Në Bruksel, Serbia gojarisht deklaroi se pajtohet me marrëveshjen por ikën nga nënshkrimi.
Me 18 mars 2023 – Në Ohër, Serbia sërish deklarohet se pajtohet, por ikën nga nënshkrimi.
Serbia pavarësisht dakordimit ajo urdhëron subjektet serbe të mos marrin pjesë në zgjedhjet në komunat e veriut të Republikës së Kosovës çka përbën shkelje të marrëveshjes.
Serbia lobon dhe voton kundër anëtarësimit të Republikës së Kosovës në Këshillin e Evropës çka përbën shkelje të marrëveshjes.
Me 24 shtator 2023 përmes sulmit terrorist organizuar, financuar dhe mbështetur nga shteti i Serbisë tentohet aneksimi i pjesë së veriut të Republikë së Kosovës, që përveçse shkel direkt marrëveshjen paraqet edhe agresion ndaj vendit tonë.
Me 26 tetor 2023 – Në Bruksel, Serbia sërish ikën nga nënshkrimi.
Është evidente që Serbia nuk do marrëveshje sepse ajo nuk është e interesuar për normalizim me Republikën e Kosovës. Prandaj, ajo vazhdimisht ikën nga nënshkrimi.
