Kandidati për deputetë nga Lëvizja Vetëvendosje, njëherësh ministri i mbrojtjes, Ejup Maqedonci, në vazhdën e takimeve elektorale, sot ka vizituar disa biznese të cilave u premton mbështetje të fuqishme edhe në qeverisjen e ardhshme, përcjell Kosova Post.
Ndërsa ndihet krenar me arritjet e këtyre bizneseve, Maqedonci, shprehet se të tillat ndërmarrje, janë krenari dhe asetet të çmuara për shtetin e Kosovës.
Ai konkretisht, përmend kompaninë e specializuar të industrisë së përpunimit të metaleve CNC, e cila afaron me sukses edhe në tregun e jashtëm.
“Sot në Sllatinë të madhe vizitova kompaninë e specializuar në industrinë e përpunimit të metaleve e cila përdor teknologjinë e avancuar CNC për prodhimin e pjesëve me precizitet të lartë.Kjo kompani është një emër i njohur në fushën e prodhimit të komponentëve metalikë, të cilët eksportohen kryesisht në Gjermani dhe Zvicër duke bashkëpuar me brende prestigjioze dhe duke prodhuar pjesë kyçe për industrinë automobilistike dhe mekanike”, theksoi Maqedonci.
Për më tepër, thekson Maqedonci se “Kompani të tilla janë aset i çmueshëm për Republikën tonë dhe si të tilla do të kenë mbështetje institucionale në bazë të legjislacionit dhe politikave qeveritare.”
