Policia ka bërë të ditur se në Zubin Potok, në pronën e personit që është në kërkim për rastin e laboratorit të drogës, që ishte hetuar në vitin 2018, ka gjetur uniforma dhe pajisje tjera ushtarake, të cilat kishin qenë të mbuluara me dhe, përcjell KosovaPost.
Në vendin e ngjarjes, siç njoftoin policia, është thirrur njësia për trajtimin e mjeteve eksplozive, ku gjatë kontrollit edhe në 3 tri vende tjera të groposura janë gjetur dhe sekuestruar pajisje të ngjashme.
“Me datën 20.11.2024 rreth orës 12:00 njësia e Drejtorisë për Hetimin e Trafikimit të Narkotikeve – Mitrovicë Veri në koordinim me njësitë policore Mitrovicë Veri me autorizim të Prokurorit nga Prokuroria Themelore Mitrovicë në fshatin Drobnjak Komuna Zubin Potok ka kërkuar të dyshuarin me iniciale ( S.M.) si person në kërkim në lidhje me rastin e laboratorit të drogës në fshatin Qukiq të Zubin Potokut i cili rast ishte hetuar në vitin 2018.
I dyshuari nuk është gjetur në lokacionin ku dyshohej se mund të jetë, mirëpo në pronën e tij gjegjësisht në mal në një vend të mbuluara me dhe janë gjetur uniforma dhe pajisje tjera ushtarake. Në vendin e ngjarjes është thirrë njësia e specializuar respektivisht njësia për trajtimin e mjeteve eksplozive, ku gjatë kontrollit edhe në 3 (tri) vende tjera të groposura janë gjetur dhe sekuestruar pajisje të ngjashme”, thuhet në njoftimin e policisë./Klankosova.tv
Dëshmitë të cilat janë gjetur dhe janë marrë nga policia janë:
– Uniformë ushtarake
– Pjesë të pushkëve të gjata
– Jelek taktik
– Gas maska
– Një tytë e pistoletës,
– Një palë pranga dhe
– 1471 fishekë të kalibrave të ndryshëm
