Këshilli i Marrëdhënieve Shqiptaro-Amerikane ka vizituar sot Departamentin e Shtetit dhe ka takuar zyrtaren e zyrës për Kosovën, Anne Morrison. Aty u diskutua mbi marrëdhëniet dypalëshe midis SHBA-së dhe Kosovës.
”Me ndryshimin e administratës, AARC (Albanian American Relations Council) i bëri thirrje Departamentit të Shtetit të miratojë një qasje më të fuqishme në procesin e dialogut Kosovë-Serbi për të siguruar njohjen e plotë të Kosovës nga Serbia dhe pesë vendet hezituese të BE-së, gjë që do të përshpejtonte anëtarësimin e saj në NATO dhe BE”, thuhet në njoftimin e Këshillit.
