Kryesia e Bashkësisë Islame të Kosovës ka marrë vendim që të gjitha strukturat dhe institucionet e saj, më 15 shtator, të stolisen me flamurin e Ushtrisë Çlirimtare të Kosovës.
Vendimi është marrë në prag të shpalljes së aktgjykimit ndaj ish-krerëve të UÇK-së nga Dhomat e Specializuara në Hagë.
Sipas vendimit të nënshkruar nga myftiu Naim Tërnava, flamuri i UÇK-së duhet të vendoset edhe në minaret e xhamive dhe mesxhideve në Kosovë.
Bashkësia Islame thotë se ky veprim synon të shërbejë si shenjë solidariteti dhe nderimi për luftën e UÇK-së, si dhe si shprehje e shpresës që ish-krerët e saj të lirohen nga akuzat dhe të shpallen të pafajshëm.
Për zbatimin e vendimit janë ngarkuar Këshillat e Bashkësisë Islame, drejtuesit e institucioneve arsimore, imamët dhe nëpunësit e xhamive në mbarë Kosovën.
