Kandidati i PDK-së për Kryeministër, Bedri Hamza, vizitoi sot Organizatën e Veteranëve të Luftës së UÇK-së dhe kryetarin e rizgjedhur, Hysni Gucatin.
Me këtë rast Hamza ka uruar Gucatin për rizgjedhjen kryetar dhe i ka ofruar bashkëpunim e mbështetje.
Ndërkohë, Hamza tha se kategoritë e dala nga lufta do ta kenë gjithmonë mbështetjen e tij dhe për 50% do ta rrisin përkrahjen financiare për familjet e dëshmorëve, invalidët e luftës dhe veteranët e UÇK-së.
“Një vizitë në Organizatën e Veteranëve të Luftës së UÇK-së për t’i uruar për zgjedhjet e tyre dhe për t’i ofruar kryetarit të rizgjedhur, z. Hysni Gucati, mbështetjen e nevojshme.Kategoritë e dala nga lufta do ta kenë gjithmonë mbështetjen time dhe për 50% do ta rrisim përkrahjen financiare për familjet e dëshmorëve, invalidët e luftës dhe veteranët e UÇK-së.Kosova mundet ma mirë! Ne besojmë në këtë dhe do ta bëjmë realitet!”, është shprehur Hamza në Facebook.
