Pas hedhjes së shortit gjatë ditës së sotme (e premte) për fazën e 1/8-tës në Ligën e Kampionëve, tashmë janë konfirmuar edhe datat për secilën fazë deri te finalja e madhe.
Ky do të jetë sezoni i 70-të i gatës elitare evropiane për klube dhe i 33-ti që kur u riemërua si Liga e Kampionëve dhe i pari sipas formatit të ri.
Edicioni i sivjetmë i Ligës së Kampionëve filloi më 9 korrik të citit 2024 dhe zgjat deri në finalen e madhe, të së shtunës më 31 maj 2025.
Por, kur do të luhen ndeshjet e fazës së 1/8-tës, çerekfinalet dhe gjysmëfinalet?
Ndeshjet e para të fazës së 1/8-tës janë programuar të luhen me 4 dhe 5 mars, ndërsa ato të kthimit një javë më vonë, më 11 dhe 12 mars.
Çerekfinalet do të luhen në datat 8 dhe 9 prill ndeshjet e para, teksa ato kthyese më 15 dhe 16 prill.
Gjysmëfinalet e para janë paraparë të zhvillohen me 29 dhe 30 prill, ato kthyese më 6 dhe 7 maj dhe finalja e Mynihut më 31 maj.
