Ambasadori Astrit Zemaj, përfaqësues i Republikës se Kosovës për marrëdhëniet me NATO-n në orët e hershme të mëngjesit ka publikuar fotografi nga nisja e shefit të NATO-s, Mark Rutte në Kosovë.
Ambasadori Zemaj duket të jetë i emocionuar nga vizita e Rutte në Prishtinë, ndërsa e quan ‘ditë historike’.
“Vizita më e madhe dhe më e rëndësishme e NATO-s në vendin tonë në vitet e fundit”, ka shkruar Zemaj krahas publikimit të fotografive.
Postimi i plotë i ambasadorit Zemaj:
Ditë historike KOSOVË – NATO
11.03.2025, ora 6:45
Drejt Kosovës nën përkujdesjen e forcave ajrore të Italisë, Këshilli i Atlantikut të Veriut të NATO-s( NAC 32 Aleatët) dhe Partnerët, së bashku me strukturat më të larta drejtuese civile dhe ushtarake.
Vizita më e madhe dhe më e rëndësishme e NATO-s në vendin tonë në vitet e fundit.
Republika e Kosovës të gjithë Aleatëve dhe Partnerëve ju është mirënjohëse për mbështetjen dhe kontributin e vazhdueshëm për vendin tonë dhe forcimin e subjektivitetit ndërkombëtar, si dhe për paqën, sigurinë dhe stabilitetin në rajon.
