Futbolli kosovar po nxjerrë në pah talenta me të ardhme premtuese dhe me shumë potencial.
Njëri ndër ta është edhe mesfushori defanziv i KF Llapit, Enxhull Mulolli. 15-vjeçari nga Podujeva është një mesfushor i jashtëzakonshëm.
Enxhulli karrierën e ka filluar në moshën 5 vjeçare te ekipi Roni 19, ndërsa që dy vjet Enxhulli është bashkuar me KF Llapin ku menjëherë është bërë lojtar kyç me gola e asiste.
Enxhulli në sezonin e kaluar ka arritur të realizoj 6 gola dhe 9 asiste ndërsa në këtë sezon deri më tani ka arritur të shënoj 4 gola e 3 asiste në shtatë xhiro te zhvilluar.
Enxhulli është një mesfushor defanziv me aftësi të mrekullueshme teknike, poashtu dallohet për punën e madhe që bën në stërvitje dhe në ndeshje.
Enxhulli ka qenë i ftuar tri herë nga Kombëtarja e Kosovës për grupmoshat e reja.
Enxhulli në një bisedë për portalin tonë, thotë: “Futbollin e kam pasion ndërsa synimet e mia në këto vite janë që të punoj sa më shumë që të aktivizohem në të ardhmen në ndonjë klub evropian”.
